Mirliton 2023 - 22 Nao aafloup höbbe veer genote van ein Moluks buffèt en daonao nog flink gefiès in de fièstent. ’t Waor geweldig te zeen wie al die vereiniginge van de SLV ziech same pakde en d’r eine sjieke aovend van maakde. Es aafsjleter heat Frans same mèt Frans Croonenberg nog same gezonge, super sjiek! mèt de zietting van de Luèterklöpperkes. Hienao sjtong oes eige Zjubilei op de planning. Ièrsj nao SV Geuldal op vriedes, eine hièl gezèllige aovend. Zaoterdes oes eige Zjubilei-Reseptie, die gans in ʻt teike van oes 13x11 jaorig besjtoon sjtong. Hie zeen hièl väöl geweldige vereiniginge op aaf gekomme mit allemaol ein eige meneer van prizzentasie, zingentaere of onder begeleiding van ein ganse hermenie. Veer höbbe väöl en hel gelache en ondersjeijinge gekrege, wao bie die van de SLV d’r oet sjprong.Ein ganse ièr! Nao de Keersjperiode sjtonge veer weer klaor um in oes kostuum te sjpringe en veer begoeste mèt de Nuujjaorsresepsie op ʻt Gemeintehoes. Daonao de proklemasie van Suub en Sjin mochte veer auch neet versjtek laote goon. Zòndig 8 jannewari zeen veer d’n daag begoes mèt de Jeugrammelesjang en daonao nao Bonne Apart mèt Wir Sind Spitze, Beppie Kraft, Erwin en John Tana. Koen haet ziech de ganse daag aan de Ice Tea Green gehoute want ’s aoves vertrok haer nao Gerlos um te skiën. Oeze Prizzedent waor ’t dao neet gans mèt eins. Toch sjtong Koen friedes, zonder botbreuke, op tied vaerdig um Andy & Roy aan te moedige in de hauf finale van ’t LVK. Koen ging neet allein gaer mèt veur die twiè, meh auch ’n bietsje veur Fenna, de dochter van Roy, die intössje de leefste ies van Koen. Of wie Niels zou zègge: t vruike van Koen. Zaoterdig 14 jannewari höbbe veer ouch eine sjpissiale daag gehad.Veur opnames van KRO-NCRV höbbe veer vief oere in de grotte gelaupe. Niels zal ziech nog good kinne heuge welk verhaol hea ruum ach kièr heat motte vertèlle. Dizzen daag woort aafgesjlote De volgende daag sjtong oes weer ein hoagtepunt te wachte, de gans oetverkochde Zjubilei-Zietting in de Polfermeule.Wat eine sjoane daag waor dat. Geweldige artieste, genoeg beer en Schröbbeler. Auch honger hoofde veer neet te lieje. Genote van ein super zietting! Kómplemente aan de organisatie! Dat Vastelaovend dèks same mèt eine lach en traon geit, höbbe veer de week daonao ondervonge.Veer zeen zaoterdes aangevange mèt ’t dikkerere van eine euverleje vrund van oes. Ondanks de nuèdige traone waor diet toch ein sjoan moment dat diech neet in de kouw kleijer geit ziete. Dan bies te bliej mèt de mansluuj van de Raod, die ein good gesjprek mèt diech aangaon en diech de rès van d’n daag mèt trèkke. Hièl väöl resepsies, ziettinge en
RkJQdWJsaXNoZXIy MTIwODg3