Mirliton 2023 - 21 Veer moeste dus nog ein jäörke langer wachte en oes geheim nog ein jaor langer verzjwiege. In september 2022 höbbe veer mèt ’t Prinsecommittee biejein gezete, noe koes ’t gewoon doorgoon. Corona waor veurbie.Veer höbbe ’n nuuj motto bedach en ’t pak van Koen flink laote innumme. Koen waor hièl get kilo’s kwiet gewore in dat jaor. Noe ging ’t dan toch ech gebeure! Zaoterdig 12 november zeen veer in de middig opgehaold door Jo en sjtiekem de grot in gegange op weeg nao ’t Pantheon. Dao woorte veer veurgesjtèld aan de Raod en höbbe veer ónder ’t genot van ’n glaeske beer en boerekuèl mèt woorsj oes veurbereid op ’t groate moment. Dao sjtonge veer dan in ein door pap getummerde box, klaor um d’r doorheen te loupe en gans Vallekeberg te laote zeen wae ’t nuuje Sjtadsprinsepaar 2022 ies gewore! mond vol teng. De Pub zou de Pub neet zeen es ze neet get sjpisiaals gereigeld houwe, biefsjtuk mèt friete en ’n glaeske beer woorte geserveerd. Ederein moes waal 2 kièr kieke mèh alle teleure waore oeteindelek laeg. Nao dit heerleke ontbijt woort ’t tied nao ’t oetrope van ’t Jeugprinsepaar te goon. Dao sjtonge ze dan: Jeugdprins Boris I mèt ziene Minister Lennart. Mèt ’t zeen van die twiè wiste veer dat ’t ein fantastisch sezoen zou were. Vanaaf ’t moment dat veer oet dae box kaome veel de sjpanning van oes aaf en zaogste allein mèr verwónderde en blieje geziechte. Ein heerlek moment! Nao ’t veurleze van de proklemasie höbbe veer ein allemechtige Vastelaovesnach gehad mèt ’n super after party bie oeze Prinsetempel, Pub Henry! Mèt ’n paar uurkes sjlaop brook de zóndigmurrige aan.Veer moeste obbenuuj op tied klaor sjtoon want Jo kaom oes haole veur ’t ontbijt in de Prinsetempel. Bie ’n teske koffie woort allerièrsj naogekalt euver die geweldige nach en daonao woort ’t ontbijt opgedeend. Dat waor ein verrassing. Eederein sjtong mèt de Nao dat veer vriedes de Sjlagerverkeezing houwe gehad, waor ’t zaoterdes tied veur oes resepsie. ’t Waor sjiek um te zeen wie väöl sjpissiaal veur oes nao de Polfermeule waore gekomme. ’t Waor fantasties um Nieks Dao sjpelentaere de buun op te zeen kòmme en zoa sjlech klonk ’t neet ins. Nao de resepsie zeen veer tot in de late uurkes doorgezak in oeze Prinsetempel. Ouch dizze kièr haet de Pub weer veur de inwendige miensj gezurrig, wao de jónges van de Raod zièr euver te sjpreke waore. Ein week later houwe veer de Gouwe Narrekap op ’t program sjtoon, dit waor veur oes ein van de hoagtepunte van ’t Vastelaovessezoen. ’t Waor super sjiek dat Frans Theunisz dees ónersjeijing ten deil veel, want es emes dit verdeende dan ies dat Frans waal. Dizze daag waor tot in de puntjes veurbereid, vanaaf ’t begin dat veer aan kaome tot ’t moment van vertrèk waor alles fantasties gereigeld! Mèt ’n ontbijt op vertrokke veer vanaaf ’t gemeinsjapshoes van Gennep nao de kèrk veur ein manjefieke seremonie, wao Frans de Gouwe Narrekap in ontvangst moch numme.
RkJQdWJsaXNoZXIy MTIwODg3