Vastelaovend 2024 waor veur oes ech super sjiek en allemechtig! Veer wiste al saer april 2023 dat veer ‘t nuuje Prinsepaar zouwe were van Jeug-karneval Vallekeberg. In de meivekansie koeste veer daorum al goon kieke veur ein Prinse- en Ministerpekske. Ze zeen gans nao wunsj en sjpissiaal veur oes óntworpe, zoadat veer sjoan bie-ein zouwe passe. Daonao zeent veer nog ein paar kièr maoge goon passe in de zomer, wie ‘t boete sjniekheit woar. Nemes moeg dat natuurlek weite, dus sjpraoke veer dèks same in ’t geheim aaf. Wie veer toen huèrde dat veer op 7 jannewarie ’24 oetgerope zouwe were, koeste veer eigelek al neet miè wachte! De pekskes koes veer eind oktober al op goon hole en in november zint veer same foto’s goon laote make. Toen waor ‘t veur oes nog eine lange decembermaond wachte…. Ièrsj woorte op 5 jannewari es groate verrasjing Prins Kaj I (pap van Sepp) en Minister Bjorn oetgerope. Toen wis veer al gans zeker dat oes jaor neet miè kepot koes en moeste veer nog effekes op de teng biete um oes eige groate geheim te beware! En dan, eindelek woar ‘t dan zoawied! ‘t oetrope woort ‘n bietje sjpannend gemaak, d’r woort gezag ..’dat ze nog gein prinsepaar heije’. Veer sjtinge super zenewechtig achter oes zelf-besjilderde dook in de kas en ’t waor dan ouch ein ónbesjriefelek, manjefiek geveul wie veer dao eindelek oet mochte sjpringe en oeze name “Prins Sepp 1 en Minister Yenthe” huèrde! Jeugprins Se p I & Min ster Y nthe Hièl väöl vrundjes en vrundinnekes in de zaal wiste neet wat ze zooge en toen kwaom ouch nog de leuke verrasjing dat oeze hofnar/zuusterke Fenne en gardist Elyze oes ‘t ganse jaor mogte vergezelle! ‘’N vrundsjap gesjlote veur ’t leve! Umdat ‘t zoa ein kort sezoen woar heije veer alwekes ein drök program! Mirl ton 20 4 - 58
RkJQdWJsaXNoZXIy MTIwODg3