Mirl ton 20 4 - 10 Veurwo d van d Priz e nt Leef Vastelaovesvrung, ‘t liek nog es giestere, de Vastelaovesnach wao-op Sjtadsprins Kaj I en Minister Bjorn zeen oetgerope. In ein sjtampvolle zaal woorte dees hière ónder hel gejuich ingehoold es Sjtadsprinsepaar 2024. Ein betrèkkelek kort sezoen mèt ein volle activiteite agenda gong van sjtart. Heerlek um te zeen wie begeistert zoawaal Kaj es Bjorn hun rol vervölde. De twiède groate verrasjing waor oeteraard ‘t jeugprinsepaar mèt es Jeugprins de jóng van oeze Sjtadsprins. Beije prinsepare waore ‘t verlae sezoen gebeurtig van de sjötters-femiele van de Jonge en Oude Nobele Schutterij Valkenburg. Dat höbbe veer, op ein goow meneer, geweite. Reigelmaotig waor de sjötterie in gans ornaat d’r bie um oes te begeleije. In ein woord manjefiek! Iech bin es prizzedent zièr bliej dat de onderlinge band mèt de versjillende Vallekebergse vereiniginge zoa sjtevig is. Same houwte veer ein sjtukske cultuur in sjtand. Tiedens ‘t sezoen mochte veer inkele nuuje aspirant lede verwelkome. Dao mèt blief de vereiniging greuje en blief ‘t ledendeil gezónd en presentabel es groep. ‘t groate ledendeil beejt ouch meugelijkhede um nuuje projekte te sjtarte en ‘ns wier te kieke es inkel ‘t organisere van de besjtoonde activiteite. Iech bin daorum allemechtig gruètsj dat veer nao 1,5 jaor veurbereije aafgeloupe september de dóórbraak in ‘t Pantheon höbbe kinne realisere. Allein door de inzat van alle lede waor diet allemechtige projek meugelek, chapeau! Ouch veur ‘t aansjtaonde sezoen zeen de versjillende wèrkgroepe al vol begeistering aan ‘t veurbereije. De groatste sjanzering zal tiedens de Vastelaovesnach plaatsjvinge. Nao ein manjefieke zjubilei-zietting kwoam oes ummer miè ter oare dat dizze ‘klassieke’ zietting de veurleefde haet bie oeze gaste. ‘t kónsep van de Zjubilei-zietting ies daorum haorfien bekeke en umgevörmp nao de vernuujde Vallekebergse Vastelaovend Zietting. Es prizzedent vruij iech mich al super op diet ivvenement. Ich hoop ekerein obbenuujts op ein van de alderlei ivvenemente róndum Vastelaovend te moage begroete. Same make veer de Vastelaovend. Laot ‘t uuch good goon! Mèt ein kräftig Alaaf, Niels Jacobs Prizzedent C.S. de Mirlitophile 1879
RkJQdWJsaXNoZXIy MTIwODg3