’s Mieddes höbbe veer gekeke wie Boris en Lennart sjtonge te sjtraole op hunne wage. Nao dae sjoane Kingeroptoch höbbe veer oes weer tot in de late uurkes geammezeerd. Maondes waor ’t ech tied veur oes moment; de Groate Optoch. Pesjtoar Jansen haet gezurrig veur good waer en de sjtumming zaot ʻr good in. Dan sjtapse op de Karnevalswage en ederein zeat tege diech: geneet! Dat höbbe veer zeker gedoon. Zoa sjiek um te zeen wie väöl luuj nao oes es Prinsepaar zeen komme kieke.Veural es me de boch um geit bie Botterweck, wat ein sjpissiaal moment. Hinnevel! Eine druim dae oet kump.Veer waore nog neet good en waal van de wage aaf, of Maud zörgde alweer veur de inwendige miensj en daonao höbbe veer nog eine topaovend gehad in de Groate Sjtraot. 6 Mei höbbe veer nog ’n dankfiès veur de Raod en aanhangk georganizeerd. Sjtiekum ouch umdat veer de sjtomme kal en gezèlligheid misde. Mèt ein heerlijk dinee, verzurrig door Frank, Henry en Sjaakie, höbbe veer dae aovend nog flink gefiès mèt ’n paar top artieste. Degene die d’n daag daonao moeste wèrreke, zulle zeker ’n zjwoar köpke höbbe gehad. Al mèt al eine geweldige aovend! Veer bedanke ederein, dae dees sjoan ervaringe en belevenisse mèt oes mèt gemaak haet.Veer kieke truuk op ’n allemechtig sezoen. Veer wille sjpissiaal oeze Prizzedent Niels, Jo en Diny Noordam, de Raod, de Jeug-Karneval, Toolnation, Andy & Roy, Sepp van Berlo, Prinsetempel Pub Henry VIII, Sjors en Anita van ’t Pumpke (twiède Prinsetempel) en neet te vergete mam Marcia veur ’t wesje van de hummes en de ondersjteuning tiedes dit geweldige Vastelaovessezoen. Bedank! Nao dat veer dinsdigmurrige ’t Blauw Loele euverlaef höbbe, kaom ’t einde dan toch in ziech. De marathon waor bienao veurbie. Same mèt ’t geweldige Jeugprinsepaar höbbe veer Berpke aafgelaote. Daona höbbe veer gewoon es Pascal, Koen, Boris en Lennart nog ein paar gezèllige uurkes gehad. Esjelegoonsdig zeen veer gezamenlijk bie Pesjtoar ’t Esjekruuske goon hoale en höbbe in de Prinsetempel nog naogekald euver die geweldige fijn daag. Mèt Haufvaste brook ’t moment aan wao Pascal zièr benuujd nao waor; de portretonthulling. In ’n sjtampvol Pantheon mochte veer kieke wao Antoine Aarts weke zien bès op haet gedoon, en wie.Wat waor dat sjiek um te zeen wie Zjubilei-Sjtadsprins Pascal I ies verièwig in de grot. Kómplemente! Mirliton 2023 - 24
RkJQdWJsaXNoZXIy MTIwODg3