Ratn k e in ‘t Pan he ‘t ies gelök, d’r is ein dóórbraak! klonk d’r op goonsdeg 17 september umsjtreeks 15:00 oer. Nao 1,5 jaor veurbereije waor ‘t projek dóórbraak dan eindelek volbrach. D’n dóórbraak in ‘t Pantheon ies ein lang gekoesjterde wunsj van de Mirlitophile. 20 jaor geleje woort d’r door d’n toenmalige Prizzedent Joep Peters al ein vergönning aangevraog. Door versjillende umsjteng woort de dóórbraak destiejds neet verriech. De wunsj van de Mirlitophile, mer allerdings ouch van Joep, bleef in sjtand. Saer 2022 waor ‘t ledebesjtand van de èlveraod dusdánig dat d’r sirrejeus koes weure naogedach euver diet projek. D’r waore zat hèlpende hèng. De ièrsjte gesjprekke mèt de Gemeinte Vallekeberg en Pervinsie Limburg verlepe veursjpoedig. Nao ‘t make van ein kónkreet óntwerp woort aanvank 2023 de vergönning verliènd. Parallel woort d’r finansjele krach biegezat door de Gemeinte Vallekeberg waoveur groate mersie. Daonao woort d’r kóntak gezoch mèt inkele dèskundige. Ouwd grot-sjpissialis Breur Jacobs woort tot projekleijer beneump en Blokbreker Fer Rouwet moch de daadwerkeleke dóórbraak goon realisere, oftewaal ‘r maog goon ratnakke! Nao väöl oere maetwèrk, wèrkröğğesjpraok en ‘t make van ein gedege wèrkóntwerp woort aanvank september gesjtart. Ein zièr intenzief wèrk waobie alle mergelpuin vanwege de vernuujde wèt koelboew nao boete moos weure aafgeveurd. In wiesselsjiech haet oeze èlveraod mer leefs 38 kuub mergelpuin mèt de hand oet ‘t Pantheon gesjöp. Op 17 september waor ‘t dan eindelek zoa wiet. Ónder groate aandach van de (landelijke!) media waor d’r ein dóórbraak. Ein nuuje gank tössje allebei de ruumte van 10,75 maeter. Ein manjefieke prestasie! Ein wunsj ging hie-mèt in vervölling. De ğoeke euforie bie oeze Ière-Prizzedent Joep waor gouwd waerd. Mirl ton 20 4 - 70
RkJQdWJsaXNoZXIy MTIwODg3