ander neet te väöl te laote opvalle kwaom Kaj same mèt Gaby nao de Vastelaovesnach, Bjorn waor einvoudig mèt de Raod prezent. Umsjtreeks 19:30 oer begoes oes moment: de opkóms! ‘n verhaol euver de Bokkeriejers mèt hie in opgenóme get perseunleke illemente euver de Sjtadsprins en -Minister. Veer kwaome via ’t Balkoen es Bokkeriejers de zaal binne. Toen veer einmaol op de buun sjtinge en ’t maske aafging zóge veer pas wie sjtampvol de zaal waor. De reaksie van ’t pebliek waor neet te besjrieve, hinnevel. Nao ’t veurlaeze van de Proklemasie koeste veer dan ouch eindelek de zaal in. Toen begoes ’t genete, de fillesitasies van femiele en vrung en natuurlek ’t allemechtig artieste program. Nao aafloup van de Vastelaovesnach zin veer nao de Prinsetempel gegange wao Sjors en Anita zoa es altied alles in de puntjes heije geswanjeerd. In de Prinsetempel höbbe veer tot in de late uurkes gefiès. Zondés waor de daag van de Jeug. Wat waor ’t allemechtig wie Jeugprins Sepp I, Minister Yente, Hofnar Fenne en Garde Elyze woorte oetgerope. Mèt dees kómbinasie van prinsepaare en hofhouding koes ’t dan ouch neet andersj dan dat Vastelaovend 2024 ein manjefiek fiès ging were. Nao ein allemechtig ièrsjte weeking koes ’t ech goon beginne: In de weke veur de Vastelaovend volgde ’t eine nao ’t andere hoagtepunt ziech op. D’r ies get wiènig plek in diet sjtökske um alles te goon besjrieve. Mer veer numme uuch mèt nao inkele van oes sjoanste momente die veer es Sjtadsprinsepaar in de weke veur de Vastelaovend same mèt de Raod en alle andere Vastelaovesvrung höbbe mètgemaak. Mèt oeze resepsie heije veer diet jaor allemechtig väöl gelök. Nao ein paar jaor moch de resepsie obbenuujts in ’t óntvangsgedeilte van de Gemeintegrot gehouwe were. Wat waor ’t ein verrasjing dat oes eige Sjötterie oes nao de resepsie begeleid haet. Bie de grot woort ouch nog ein ièrehèğ gevörmp door de Jonkheid en Jeugjonkheid. Hinnevel dat oes vereiniginge dao allenej veur oes dao waore. Ónder d’r noemer van Vastelaovend vierste same, heije veer es Sjtadsprinsepaar eine Vastelaovesmieddeg gepland veur alle Vastelaovesvereiniginge en vrung oet Mirl ton 20 4 - 35
RkJQdWJsaXNoZXIy MTIwODg3