Vastelaovend 2024 wat waorste gouwd veur oes! ‘T veurop maoge goon es Sjtadsprins en -Minister en ’t SAME viere van de Vastelaovend in oes geleef sjtedsje ies ‘n hoagtepunt opziech! Mer, este dan ouch nog vanaaf de buun, de Prinsewage of tössje de luuj ekerein sjpass en plezeer zuus make en de zuus ze alleneij vertoeve in saamhuèrigheid, dan kriegste toch riechtig hinnevel. Dao sjteit Vastelaovend veur en heije veer veur gein gouwd wille miesse! Wat begoes es ein sjprookje, eine druim, woort daonao ech. Sjtadsprin Kaj I & Min ster Bjo n Laote veer truuğ goon nao de sjtart van diet sjprookje. ’T begoes allemaol ’n jaor of 7 truuğ, wie veer op ‘n Sjöttefiès nao gèt glaze beer en gans gèt riechtige ouwhóórderiej besjlote höbbe um same oeze wunsj te goon vervölle. Vrie sjnel daonao kwaom ’t ièrsjte belke van ‘t prizzidium en woorte veer oetgenuèdigd um mer ‘ns te kómme oetlèğğe waorum veer dizze druim houwe en wat de motivasie waor um veur oes te keze. Nao ein sjtèl zenewechtige daag, waor ’t zoa wied: ‘greun leech’. Helaas door versjillende umsjteng en daonao ouch nog dae verrèktesse Corona, höbbe veer ’t ein tiedje moete oetsjtèlle. Mer eindelek, 2024 ging oes Prinsejaor were! Wat Kaj wies, mer Bjorn nog neet, ies dat ziene jóng Sepp Jeugprins zou were. Nondeju, wat waor dat sjpannend. Zeker esse ouch nog diene mónd moes sjnore tege diene toekómstige Minister. Affè, veer ginge sjtarte mèt de veurbereijinge en wat vonge veer dat ein manjefieke tied: ’t oetzeuke van oeze pekskes & sjteke, ’t bedinke van oes opkóms en ’t sjrieve van de Proklemasie. Mer ’t gewiechtigste en toch ’t lestigste waor ’t sjtil houte van oeze druim dae noe dan toch ech werkelekheid ging were. 5 jannewari 2024 ging oeze druim oetkómme: Nao jaore zjwiege en maonde veurbereije waor ‘t eindelek zoa wied. De Marathon van 5 weke van fièste en genete koes veur oes sjtarte. Zoa-es de lètste jaore woorte veer in de mieddeg de grot mèt ingenóme. Kaj onder begeleiding van Jo en Bjorn mèt de Raod. De sjpanning bereikte ’n hoagtepunt wie veer es prinsepaar aan de Raod veurgesjtèld woorte. Nao de prizzentasie in de grot zeen veer same nao de Polfermeule gegange. Um ein en Mirl ton 20 4 - 34
RkJQdWJsaXNoZXIy MTIwODg3