Dreimal Kö le Ala f! Oes eige Oud-Prinse en -Ministersj Sociëiteit Der Mirlitophile 1879 haet eine allemechtige daag gereigeld. Veer, es C.S. de Mirlitophile 1879, zeen namelek same mèt oes Oud-Prinse en -Ministersj nao de Lachende Kölnarena gewaes! En ouch nog in kostuum ouch! Wie sjiek ies dat! De bus vertrok rond 13:00 oer vanoet Vallekeberg richting Kölle. Rond 14:30 oer woorte veer bie de Lanxess Arena oetgelaote. Einmaol aangekomme zeen veer nao ’t Deutzer Brauhaus gegange woa veer mèt z’n alle get gegete en gedronke höbbe. Allemechtig, boetegewoon, mechtig, verrasjend! Allemaol menere um dizze bezundere daag te besjrieve. Hie höbbe veer ouch kinnes moage make mèt I. Hennefer Stadtsoldaten vun 1983 oet Hennef. Nao ein boetegewoon gezèllige mieddeg begoes um 18:00 oer ‘t program in de Arena. ‘t waor ein allemechtig program mèt zoa väöl artieste! Artieste wie de Bläck Fööss, de Höhner, de Klüngelköpp en de Räuber mer ouch Büttenredners en ‘t Dreigestirn. Ein arena wao 20.000 luuj gans oet hun daak ginge en veer waore d’r bie! Sjtadsprins Kaj I en ziene Minister Bjorn ginge gans los op alle gooje meziek en höbbe volop genote, sjuus wie de res van de raod. Veer wille ekerein dae get haet biegedrage bedanke veur eine ónvergetelijke daag! Oud-Prinse en -Ministersj èlf maol MERSIE! Mirl ton 20 4 - 19
RkJQdWJsaXNoZXIy MTIwODg3