Mirliton 2023 - 9 Veurwoord van de Prizzedent Leef Vastelaovesvrung! Wat ein fiès waor oes 13x11 Zjubilei-jaor en wat kiek iech dao mèt plezeer op truuk! Op 12 november woort, nao väöl veurbereiding, oes Zjubilei-Prinsepaar Sjtadsprins Pascal I en ziene Minister Koen oetgeroope. Mèt dees twiè op de buun waor de Vastelaovesnach drek ein groat fiès. Ein Zjubilei-jaor vreug väöl veurbereiding.Väöl wèrkgroepe oet oes Sociëteit zint lange tied bezig geweas mèt de organizasie van ivvenemente. Manjefiek um te zeen dat op oes Zjubilei-Resepsie väöl vereiniginge en Vallekebergse luuj waore, merci dao veur! Tot deep in de nach woort in de Polfermeule gewirk um de zaal klaor te make veur de Zjubelei-zietting. Allebónnäör, de zaal waor in ein paar oer umgeboewt tot ein ´Kölsche Sitzung´. De Zjubilei-zietting waor de kroan op ´t wèrk van al oes lede. Ein sjpektakel van de ièrste tot de lètste minuut, eine memorabele daag! Ouch de Karnevalsdaag waore fantasties. Iech höb oeze Sjtadsprins Pascal I en ziene Minister Koen allein mèh zeen sjtraole. Zie houwe ziech dan auch good veurbereid op de Sjleuteleuverdrach. Ouwerwèts vreigele mit de ´Opperbok´ op ein bäöretigvol Thei Dorreplein. Noe geit ´t volgende sezoen weer van sjtart. Op 11 november eupene veer de Vastelaovend in oes hoeskamer ´t Pantheon. Op vriedeg 5 jannewari weurt ´t nuuj Prinsepaar 2024 in de Polfermeule oetgeroope. Iech kiek noe al oet nao de volgende Vastelaovesnach mèt ein geweldig program! Iech wunsj uuch eine sjoane Vastelaovend. Vier same, zing, dans en geneet! Ich hoop dat veer oes zeen op ein van oes aktiviteite. ´Vastelaovend, dat make veer same, Alaaf!´ Eure Prizzedent Niels Jacobs Carnavalssociëteit de Mirlitophile 1879
RkJQdWJsaXNoZXIy MTIwODg3