De Vallekebergse Auw Wiever Leef Vastelaovesvrung, ’t Begint weer flink te kriebele , ’t Vastelaovessezoen geit lanksaam beginne. Veer höbbe neet sjtil gezeete, zint volop bezig mèt veurbereidinge veur de kienaovend, dameszietting en nog väöl miè. De köpkes, die de Auw Wiever eder jaor make, liegke weer klaor. D’r ies weer flink gebakke, geknutseld en geverref! Veer höbbe auch ’n nuujtsje. Nicole Cuijpers weurt oeze nuuje Veurzietter.Veer winsje häör veul suukses en plezeer. Veer danke häör veurgengster, Marjo Ramakers, hièl hartelik veur heure inzat. Vriedig 6 oktober, kienaovend mèt sjoan pries, bie Party & Bites (neve ’t Hoekje), aanvangk 19.30 oer. De kaarte zint dao aan € 20,- veur 10 rundes te kriege. (A.u.b. contant betale). De 11e van de 11e trèkke veer weer same mèt de Mirlitophile, de Jeug-Karneval en de Oud-Prinse en -Ministers de Gemeintegrot in. Doa weurt in ’t Pantheon ’t Vastelaovessezoen geöpend. Zondig 28 jannewari organizere veer de 34e Dameszietting in de fièstent bie ’t Koetshoes in de Gats. Aanvangk 11.11 oer. De volgende artieste make dao hun opwachting:W-Dreej, De Geliènde, Gipfel Power, Brent, Lola Lee en DJ Rico Vrijhoeven. ’t Weurt weer ’n sjpektakel! De kaarte zeen vanaaf 11 november verkriegbaar bie ’t Koetshoes (€ 22,50) of via ticketshop Compoticketing (€ 23,50). Veer sjpietse oes op de Vastelaovestied, gezèllig same zeen en sjpas make. Berpke ies ouch klaor d’r veur. ’t Ziet te popele um de loch in te goon es ’t Auw wieverbal sjtart op ’t Thei Dorreplein. Daonao kint ’t fiès losbarsjte! Liegk ’t uuch ouch leuk, onderdeil van de Auw Wiever te were, bel dan mèt oes Veurzietster Nicole Cuijpers, tel.nr. 0615043350. Leef groetjes van de Auw Wiever van Vallekeberg! ALAAF!! Mirliton 2023 - 42
RkJQdWJsaXNoZXIy MTIwODg3