Ten ièrsjte Dat veer twiè ʻt hièl sjoan vinge um in ʻt jaor twintig twiè en twintig, de ganse Vallekebergse Vastelaovesjeug veur maoge goon.Veer rope alle jónges en maedsjes op um oes daobie mèt väöl sjpas en plezeer te sjteune in oes Vastelaovessezoen. Ten twiède Dat veer, es ieverige lièrlinge van de Basissjoal in Vallekeberg, juf Sandra en de ganse sjoaljeug oetnuèdige um mèt oes mèt te trèkke in oese optoch op zóndeg zeve en twintig fibberwari um drie oer èlf.Want noe de sjtraote wir good zuver zin goaje veer extra babbelère oet. Ten driejde Dat veer mèt ʻt karnevalsblood van oes ouwersj, veurouwersj, zustersj Jill en Jasmin en broor Fedor, ederein oetnuèdige um bontverkleijd drie döl daag sjpas te make in oes sjoan Vallekeberg. Ten veerde Kiek ʻns good nao oese hofnar! Geer zeet neet dubbel. Ten viefde Dat oese Prinsetempel diet jaor bie Pub Henry d’n achste in de Groate Sjtraot zal zin. In de gans vernuujde hoeskamer van oese Besjermhièr. Ten zèsde Dat veer neve ʻt voetballe gaere goon wandele mit al oes hung Juul, Mupke en Tess. Mèt de döl daag kriege zie ʻn ekstra keukske en ʻne knoevel umdat ze oes dan langer moete misse. Ten zevende Dat iech es Prins, touwtrèkker bin bie de Jeugjónkheid, gaere waffele eet, die miene Minister met ziene opa haet gebakke. Daorum vraoge veer opa get ekstra waffele te bakke. Vingk geer dat allemaol good? Opa deer ouch? Ten achste Dat veer bliej zin um nao twiè jaor zónder optoch de draod wir op te maoge pakke. En daorum rope veer eederein op um ʻne gezellige en gezónne Vastelaovend te goon viere. Ten neugende Dat veer gruètsj zin op zoa eine groate Jeugraod, mèt al die sjoan maedsjes die veur oes danse. De Hofnar Miller en Raodslid Milow die os döbbel loate zeen. Oese Gardist Sjuul dae alles good veur os raegelt en oes besjermp en Luciano die os al joare biesjteit als Besjermhièr. Ten tiènde Dat veer ederein oprope um nao ʻt Thei Dorreplein te kómme nao aafloup van oese groate Kleine Optoch.Want dao weure de pries oet gereik. Ten èlfde Dat veer noe besjlete dat de ganse Vastelaovesweek gein sjoal ies en dat ederein nao ʻt Esjkruuske de res van de week maog oetsjlaope. Alaaf ʻt Kómmetee van de Jeug-karneval der Mirlitophile 1879, Alaaf de Jeugroad van Ellef, Alaaf de Jeugjonkheid Boete de Poort, Alaaf voetbalkluup Walram Alaaf de Vastelaovend Vallekeberg Veer zint vrung veur ʻt leve en wille met uuch dizze te gekkke Vastelaovend beleve! Gegeve te Vallekeberg aan de Geul op 13 november 2022 in de Polfermolen aan de Plenkert. Prins Boris d’n Ièrsjte en Minister Lennart Proklemasie Mirliton 2023 - 36
RkJQdWJsaXNoZXIy MTIwODg3