Mirliton 2023 - 17 Woord van de Veurzietter Gaer wil iech miene veurgenger, Erik Paulssen, hièl hartelijk dank zègke veur ziene inzat de aafgeloape jaore. Erik haet veul wèrk verzat binne de sociëteit, waor de belangrieke sjakel tussje de óndernummersj en de Mirlitophile. Iech bin bliej dat Erik es raodslid oes kommende jaore blief sjteune. ’t Nuuje sezoen sjteit in de sjtartblök, iech bin hièl gemotiveerd miene ièrsjte Vastelaovend es Veurzietter mèt te maoge make.Vallekeberg maog dan auch op miene inzat es Veurzietter rekene. Jóngk en oud hoop iech dan auch tege te komme in Vallekeberg um same te klinke op de sjoanste tied van ’t jaor,Vastelaovend. Vastelaovend same! Luc van der Heijden Veurzietter C.S. de Mirlitophile 1879 Leef vastelaovesvierdersj van groat Vallekeberg en umsjtreke, Laot iech beginne mèt miech zellef veur te sjtelle, miene naam ies Luc van der Heijden, 29 jaor jongk. Getrouwd mèt Bente en gruetsje pap van Ruben. ʻt “ Vastelaovesgeveul “ ies miech mèt de paplepel ingegeve. In 2007 houw iech ’t veurrech Jeugprins van Vallekeberg te maoge zeen. Oeteindelek bin iech in 2015 door vrund Niels Jacobs bie de Èlveraod terech gekomme. Óndertösje dreij iech al hièl get jaore mèt in versjeije wèrkgroepe van oes vereiniging. Veural de wèrkgroep ʻGroate Optoch’ waor ein van dees wèrkgroepen wao iech gaer mien sjteinsje biedroog. Saer de lètste jaorvergadering bin iech tot nuuje Veurzietter gekoze. Iech kiek d’r nao oet, same mèt de Èlveraod en oeze Prizzedent de Vallekebergse Vastelaovend te organisere.
RkJQdWJsaXNoZXIy MTIwODg3