Mirliton 2023 - 12 De veurzietter van de Oud-Prinse en -Ministersj Leef Vastelaovesvrung, Wat woar ʻt allemechtig good en dan mein iech natuurlek ʻt Zjubilei-jaor van de Mirlitophile. Mèt veurop eine Prins en Minister die neet te sjtoppe woare. Es iech die twiè zaog goon, houw iech mètlieje mèt de leeje van de èlveraod die die twiè bie moeste houwe. Oeze Ièreprizzedent Joep woar bliej dat hae ein sjtepke achteroet houw gedoon, zoa dat hae röstig alles van de ziej koes bekieke. Ouch de Oud-Prinse en -Ministersj houwe sjpektakelaer planne. Op de Zjubilei-zietting sjitterde zie mèt ein allemechtige show in drie deile.Veer höbbe oes de luupe blauw geblaoze onger de rippetiese van oes eige hermenie, en oes eige drie zengersj zin ʻt ganse jaor bezig gewaes hun kaele te sjmeere. Meh de meiste meujte is óngetwiefeld in oes nuuje act gesjtoke. De Blues Brothers woare allemechtig good. Metein ging de ganse zaal op ziene kop. Es Veurzietter van dees club koes iech neet gruètsjer zin dan op dat ougenbliek. Meh veer höbbe natuurlek miè gedoan aafgeloupe jaor. Ein oetsjtepke noa Antwerpe en eine super gemuutliche BBQ, oes toch door Vallekeberg mèt Auw Wieverbal etc. etc. Ouch houwe veer geheùrd dat ein Vallekebergs ivvenement neet miè door ging: De Aovend van de Lach. Dat wilde veer neet loate gebeure en binne ein paar daag besjloote veer dit ivvenement te goan organisere. Ekerein dae ein bietje koes koke ging de keuke in en es te eine teleur vas koos houwe dan gingste in de bedening. En koos doe good klasjenere dan woar de buut ein meugelekheid. Alle Oud-Prinse en -Ministersj zatte ziech veur de volle 111% in. Ut rizzeltaat woar dan ouch allemechtig good. Aansjtaonde jaor ies gein Zjubilei-jaor. Meh es geer noe dach dat veer ut dan ouch get röstiger aan ginge doon, dan höb iech nuujts veur uuch. Doordat Zjubilei-Prins Pascal en ziene Minister Koen noe ouch toetraeje tot oes vereiniging, zulle veer noe die twiè bie moete houwe. Dus zin veer noe al begoes mit rippetieses veur de nuuje act en sjtoon veer al ekere daag in de keuke nuuj gerechte oet te perbere veur de volgende Aovend van de Lach. Alaaf Gerard Goossens Veurzietter Oud-Prinse en -Ministersj Sociëteit der Mirlithophile 1879
RkJQdWJsaXNoZXIy MTIwODg3